माओवादी केन्द्रको अभियान टोलीद्वारा रूकुममा जनयुद्ध पीडितहरूसँग अन्तरक्रिया
अध्यक्ष प्रचण्डले जनताको पीडा बुझ्ने, संवाद गर्ने र पार्टीभित्रको समीक्षा गर्दै नयाँ रूपमै जनतामा जान अभियान सञ्चालन गरिएको बताउनु भयो।
<p>रूकुम, जेठ ६ – नेकपा (माओवादी केन्द्र) का अध्यक्ष पुष्पकमल दाहाल ‘प्रचण्ड’ नेतृत्वको मध्यपहाडी लोकमार्ग अभियान अन्तर्गतको टोलीले रूकुमको चौरजहारीमा जनयुद्धका घाइते, अपाङ्ग, सहिद परिवार र बेपत्ता व्यक्तिका आफन्तहरूसँग अन्तरक्रिया गरेको छ।</p>
<p>चौरजहारी नगर समितिको कार्यालयमा आयोजित कार्यक्रममा सहभागी जनयुद्ध पीडितहरूले आफूहरूले भोगिरहेका समस्या तथा राज्यबाट पाउनुपर्ने अधिकारका विषयमा आफ्नो धारणा राख्नु भयो। घाइते अपाङ्गको उपचार, बेपत्ता व्यक्तिहरूको राज्यद्वारा मान्यता, सहिद परिवारका सन्तानको शिक्षादेखि रोजगारीसम्मका विषयमा अझै ध्यान दिनु पर्ने माग गरिएको थियो।</p>
<p>कार्यक्रममा अध्यक्ष प्रचण्डले जनताको पीडा बुझ्ने, संवाद गर्ने र पार्टीभित्रको समीक्षा गर्दै नयाँ रूपमै जनतामा जान अभियान सञ्चालन गरिएको बताउनु भयो। उहाँले पार्टीले विगतमा सहिद र घाइते परिवारका पक्षमा विभिन्न कामहरू गरेको जानकारी दिँदै सहिद घोषणामा केन्द्रबाट तल तल को आँकडा मागिएको भए पनि विवरण पठाउँदा केही त्रुटिका कारण सबैलाई समेट्न नसकेको बताउनु भयो ।</p>
<p>अध्यक्ष प्रचण्डले TRC (सत्य निरुपण तथा मेलमिलाप आयोग) सम्बन्धी विधेयकमा भएको ढिलाइप्रति दुःख व्यक्त गर्नु हुँदै हाल बनेको समितिले अब कार्यविधिअनुसार काम गर्नुपर्ने बताउनु भयो। उहाँले बेपत्ता व्यक्तिहरूलाई पनि सहिदसरह मान्नुपर्ने र तिनको सम्मानसाथ क्षतिपूर्ति राज्यले दिनुपर्ने स्पष्ट धारणा राख्नु भयो।</p>
<p>“हामी क्रान्ति पूरा गरेर हैन, सम्झौताबाट आएको अवस्था हो,” अध्यक्ष प्रचण्डले भन्नु भयो, “अहिलेको गणतन्त्रलाई समाजवादी गणतन्त्रमा रूपान्तरण गर्न सबैको साथ आवश्यक छ। म समाजवादी क्रान्तिको यात्रामा कमीकमजोरी सुधारेर अघि बढ्ने प्रतिबद्धता जनाउँछु।”</p>
<p>अभियान टोलीले मुलुकका विभिन्न ठाउँमा पुगेर जनयुद्धका पीडितहरूसँग प्रत्यक्ष संवाद गर्ने, पार्टीको कमजोरीहरूको समीक्षा गर्ने र जनतामा विश्वास पुनःस्थापना गर्ने उद्देश्य रहेको जानकारी गराउनु भयो।</p>
<p><img src="https://cdn.cpnmc.one/media/uploads/2025/05/20/whatsapp-image-2025-05-20-at-110349-am.jpeg" style="height:1280px; width:1920px" /><img src="https://cdn.cpnmc.one/media/uploads/2025/05/20/whatsapp-image-2025-05-20-at-110404-am.jpeg" style="height:1280px; width:1920px" /><img src="https://cdn.cpnmc.one/media/uploads/2025/05/20/whatsapp-image-2025-05-20-at-120920-pm.jpeg" style="height:1280px; width:1920px" /><img src="https://cdn.cpnmc.one/media/uploads/2025/05/20/whatsapp-image-2025-05-20-at-120931-pm.jpeg" style="height:1280px; width:1920px" /></p>
