बजेट मागिरहने तर पुँजीगत खर्च गर्न नसक्ने अवस्थाको अन्त्य हुनुपर्छ : प्रधानमन्त्री
<p>काठमाडौँ, १५ चैत : प्रधानमन्त्री पुष्पकमल दाहाल ‘प्रचण्ड’ले हरेक आर्थिक वर्षमा बजेट मागिरहने तर पूँजीगत बजेट खर्च नहुने अवस्थाको अन्त्य हुनुपर्ने दिनुभएको छ ।</p>
<p>सिंहदरबार आज आयोजित राष्ट्रिय विकास समस्या समाधान समितिको ५२ औँ बैठकलाई सम्बोधन गर्दै प्रधानमन्त्री प्रचण्डले पूँजीगत शीर्षकमा विनियोजन भएको बजेट किन खर्च हुँदैन भनि प्रश्न गर्नुभयो । </p>
<p>“चालु आर्थिक वर्षको पहिलो ६ महिनामा सरकारको पूँजीगत खर्च समग्रमा कम रहनु हाम्रो लागि चिन्ताको विषय हो,” प्रधानमन्त्री प्रचण्डले भन्नुभयो, “ पूँजीगत शीर्षकमा विनियोजन भएको सबै बजेट पूरा खर्च नहुने अवस्था हरेक वर्ष दोहरिने बारेमा गम्भीर भएर सोचौँ । यो समस्याको समाधान यस आवको बाँकी अवधिमा गर्नैपर्छ ।”</p>
<p>पूँजीगत खर्च बढाउन विभिन्न उपायहरू कार्यान्वयन गर्ने प्रक्रिया अघि बढेको परिप्रेक्ष्यमा उपलब्ध भएको बजेट पूर्णरूपमा खर्च हुने गरी विकास निर्माणका कार्यको नेतृत्व गर्न सबै मन्त्री तथा मुख्यमन्त्रीलाई निर्देशन दिनुभयो ।</p>
<p>केही मन्त्रालय र केही राष्ट्रिय गौरवका आयोजनाहरूले तुलनात्मक रूपमा राम्रो गरेको अवस्था रहेको उल्लेख गर्दै प्रधानमन्त्री प्रचण्डले ८० प्रतिशतभन्दा बढी भौतिक प्रगति हासिल गर्ने सुनकोशी मरिन डाइभर्सन बहुउद्देश्यीय आयोजना, कालीगण्डकी कोरिडोर (गैंडाकोट–राम्दी खण्ड) र लुम्बिनी क्षेत्र विकास कोष लगायतलाई धन्यवाद व्यक्त गर्नुभयो । उहाँले ती आयोजनाका साथै अन्य सबै आयोजनालाई बाँकी अवधिमा सतप्रतिशत नतिजा प्रदान गर्न निर्देशन दिनुभयो ।</p>
<p>सरकारले गर्ने खर्चमार्फत अर्थतन्त्रमा बहु आयामिक असर तथा अवसर सिर्जना उल्लेख गर्दै प्रधानमन्त्री प्रचण्डले निजी क्षेत्र, सहकारी क्षेत्र, समुदाय र विकास साझेदारको स्रोतसाधन परिचालन गर्न पनि तोकिएको खर्च समयमै गर्न आवश्यक रहेको बताउनुभयो । उहाँले भन्नुभयो, “सरकारका सम्पूर्ण अङ्गहरू प्रक्रियामुखी भन्दा परिणाममुखी सोचका साथ अगाडि बढ्न आवश्यक छ ।”</p>
<p><img src="https://cdn.cpnmc.one/media/uploads/2024/03/28/d625869b-38ca-4455-83c9-aefd5cfbfaee.jfif" style="height:2548px; width:4160px" /><img src="https://cdn.cpnmc.one/media/uploads/2024/03/28/6f38c3ce-ee0a-47a6-bd4e-9aef7ede7fbf.jfif" style="height:2492px; width:4160px" /><img src="https://cdn.cpnmc.one/media/uploads/2024/03/28/aaa66d51-a983-4fee-863c-39e2e06eacc3.jfif" style="height:2576px; width:4160px" /><img src="https://cdn.cpnmc.one/media/uploads/2024/03/28/0c2ac181-b07a-4f96-a61c-9303205186e2.jfif" style="height:2496px; width:4160px" /><img src="https://cdn.cpnmc.one/media/uploads/2024/03/28/7d634d32-0a3f-45f9-9ad6-a2ae49220fb7.jfif" style="height:2428px; width:4160px" /><img src="https://cdn.cpnmc.one/media/uploads/2024/03/28/7b91e1dc-a086-4d5d-972d-11cf9a481b37.jfif" style="height:2502px; width:4160px" /></p>
