संविधानको प्रगतिशील कार्यान्वयनलाई जोड गरौँ : प्रधानमन्त्री प्रचण्ड
<p>काठमाडौँ, २० चैत : प्रधानमन्त्री पुष्पकमल दाहाल ‘प्रचण्ड’ले वर्तमान संविधानको प्रगतिशील कार्यान्वयनका लागि आपसी एकतालाई सुदृढ गर्दै अगाडि बढ्नुपर्ने बताउनुभएको छ। </p>
<p>‘नेपाली विशेषताको समाजवाद’ विषयक अन्तरक्रियालाई आज यहाँ सम्बोधन गर्दै प्रधानमन्त्री एवं नेकपा (माओवादी केन्द्र) का अध्यक्ष ‘प्रचण्ड’ले नेपालका समाजवादी, देशभक्त र राष्ट्रवादीहरू एक ठाउँमा केन्द्रित हुने हो भने समाजवादलाई तीब्र गतिमा अगाडि बढाउन सकिने विश्वास व्यक्त गर्नुभयो ।<br />
<br />
“नेपाल यस्तो परिस्थितिमा छ, यहाँका समाजवादी एवं देशभक्त र राष्ट्रवादीका एक ठाउँमा केन्द्रित हुने हो भने समाजवादलाई तीब्र गतिमा अगाडि बढाउन सकिन्छ । यस्तो सम्भावना भएको देश नेपाल नै हो,” प्रधानमन्त्री प्रचण्डले भन्नुभयो, “त्यसकारण यही विषयलाई आत्मसात गरेर मैले केही जोखिम र चुनौती मोलेर भएपनि देशभक्त वामपन्थीहरुलाई एकतामा ल्याउने जमर्को गरेकै हो ।”</p>
<p>समाजवादको जन्म कहाँबाट हुन्छ ? भन्ने तर्क आउने गरेको उल्लेख गर्दै प्रधानमन्त्री प्रचण्डले भन्नुभयो, “अन्ततः समाजवाद जन्मने भनेको सडक बाटै हो, किनकि जनता सडकमा हुन्छन् । पहिलो प्राथमिकता सडकले नै पाउनुपर्छ । समाजवाद जन्माउने जनताले हो ।” </p>
<p>पार्टीहरू जनतासँग जोडिए मात्रै शक्तिशाली हुने उल्लेख गर्दै प्रधानमन्त्री प्रचण्डले समाजवादको तयारीका लागि सरकार, सदन र सडकलाई अधिकतम उपयोग गर्नुपर्ने तर्क गर्नुभयो । उहाँले हरेक राजनीतिक दलले जनतालाई केन्द्रमा राख्नुपर्नेमा जोड दिनुभयो । </p>
<p>यसपटक सुशासन, समृद्धि र सामाजिक न्यायका पक्षमा अगाडि बढ्ने जमर्को गरेको उल्लेख गर्दै प्रधानमन्त्री प्रचण्डले पुरानो गठबन्धनबाट जनताको आकांक्षा अनुसार काम हुन नसकेकाले समाजवादको आधार तयार गर्न नयाँ समीकरण बनाएको स्पष्ट पार्नुभयो । </p>
<p>नेपालको राष्ट्रिय स्वाधीनतालाई सुदृढ गर्ने उद्देश्यका साथ समाजवादको आधार तयार गर्न आफूले पछिल्लो कदम चालेको स्पष्ट पार्दै प्रधानमन्त्री प्रचण्डले जनतालाई डेलिभरी दिनेगरी काम गरेर यसको औचित्य पुष्टि गर्नुपर्ने बताउनुभयो । <img src="https://cdn.cpnmc.one/media/uploads/2024/04/03/980380e1-e06a-4c62-b635-b881085f3e32.jfif" style="height:2740px; width:4160px" /><img src="https://cdn.cpnmc.one/media/uploads/2024/04/03/01c312e3-cc1f-41df-abe0-2dc3e459b5a4.jfif" style="height:2610px; width:4160px" /><img src="https://cdn.cpnmc.one/media/uploads/2024/04/03/61f51e5f-8147-488d-8ed6-db995f1e8d1b.jfif" style="height:2338px; width:4160px" /><img src="https://cdn.cpnmc.one/media/uploads/2024/04/03/eb387cfd-4e72-4b99-8e5b-59967505d9d1.jfif" style="height:2432px; width:4160px" /><img src="https://cdn.cpnmc.one/media/uploads/2024/04/03/88999b7f-998f-4f92-94fa-f17d9ce158ce.jfif" style="height:2466px; width:4160px" /><img src="https://cdn.cpnmc.one/media/uploads/2024/04/03/8fe289bf-b8a0-44ba-a51d-8212078d0022.jfif" style="height:2388px; width:4160px" /><img src="https://cdn.cpnmc.one/media/uploads/2024/04/03/aad916f0-ddfc-4df1-aa6f-185d4eabf067.jfif" style="height:2538px; width:4160px" /></p>
